‘प्रेमगीत ३ मा’ अनुभव रेग्मी अनुबन्धित
तामसालिङ खबर
काठमाडौं – प्रेम गीतको सिरिजको रुपमा चलचित्र ‘प्रेमगीत – ३’ मा चर्चित बाल कलाकार अनुभव रेग्मी पनि अनुबन्धित भएको छ । निर्माता सन्तोष सेनका अनुसार मंगलबार साँझ बाल कलाकार अनुभव सँग सम्झौता गरिएको छ । फिल्ममा अनुभवले मुख्य अभिनेता प्रदीप खड्काको बाल्यअवस्था अर्थात ‘प्रेम’को भूमिकामा दर्शकमाझ प्रस्तुत हुने बताएको छ ।
निर्माता तथा निर्देशक सेनले भन्नुभयो,–‘प्रेम’ सानो हुँदाको भूमिकामा अनुभव अत्यन्त फिट देखिएकोले हामीले अनुभव सँग सम्झौता गरेका छौं ।’ करिब ४ करोड लागतमा बन्न लागेको ‘प्रेमगीत–३’का लागि यस अगावै बरिष्ठ अभिनेता शिव श्रेष्ठ, सुनिल थापा, प्रदीप खड्का, सन्तोष सेन, मनिष राउत, पुस्कर कार्की र प्रेम पुरी फाइनल भइकसेका छन् ।
यसै वर्षको चैत २८ गतेबाट दर्शकमाझ रिलिजमा आउँदै गरेको ‘प्रेमगीत–३’लाई निर्माता तथा कलाकार सन्तोष सेन र छेतेन गुरुङले संयुक्त रुपमा निर्देशन गर्दैछन् ।
