मनहरीमा ५ कृषक समुहलाई कृषि औजार सामाग्री वितरण

हेटौडा (मनहरी) – मनहरी गाउँपालिकाले चालु आर्थिक वर्षको स्वीकृत कार्यक्रम अनुसार बिभीन्न कृषक समुहलाई कृषि औजार सामाग्री वितरण गरेको छ । कृषि क्षेत्रलाई आधुनिकीरण तर्फ उन्मुख गराउने उद्धेश्यले गाउँपालिकाले पटक पटक कृषि औजार सामाग्री वितरण गर्दै आइरहेका छन ।

गाउँपालिकाले गाउँपालिका भित्र रहेका बिभीन्न ५ वटा कृषक समुहहरुलाई बिभीन्न सामाग्री वितरण गरेको छ । औजार पाउनेहरुमा प्रगतिशिल कृषक समहु , जयसिङ कृषक समुह , जनहित आयआर्जन कृषक समुह , उद्यमशिल कृषक समुह , र दिपज्योती कृषक महिला समुह रहेका छन ।

ति समुहहरुले ५० प्रतिशत अनुदानमा हाते ट्रयाक्टर , बिद्युतीय स्प्रे पम्प, मकै छोड्याउने नङग्याउने मेसिन, लगायतका बिभीन्न मेसिनहरु अनुदानमा लगेका छन । ति उपकरणहरु २० लाख बराबरको रहेको गाउँपालिकाका प्रमुख प्रशासकिय अधिकृत देबराज चौलागाइले बताउनुभयो ।