मनहरी अध्यक्ष कपको फाईनल भिडन्त आज

मकवानपुर, ३२ जेठ । मकवानपुरको मनहरी गाउँपालिका वडा नम्बर ७ रमौलीमा जारी मनहरी अध्यक्ष कप फुटबल प्रतियोगिताको फाईनल आज हुँदैछ । फाईनलमा सहभागी हुने २ टिमको समेत बिहीबार नै टुङ्गो लागिसकेको छ । अध्यक्ष कपको उपाधीका लागि फाईनलमा वडा नबर ४ र वडा नम्बर ७ बिच आज फाईनल भिडन्त हुँदैछ ।

बुधबार भएको सेमिफाइनल खेलबाट ४ नम्बर वडा विजय भएर फाईनलको यात्रा तय गरिसकेको थियो । त्यस्तै बिहीबार भएको दोस्रो सेमिफाईनल खेलमा वडा नम्बर ७ ले फाइनलको यात्रा पक्का गरेको हो । बिहीबार भएको दोस्रो सेमिफाईनलमा ७ नम्बर वडाले ९ नम्बरलाई एक गोलले पराजित गर्दै फाइनलको लागि आफ्नो स्थान सुरक्षित गरेको हो । फाईनलमा आफ्नो यात्रा पक्का गर्नका लागि ७ नम्बरको तर्फबाट एक माात्र गोल रविन खड्काले गरेका थिए । फाईनल खेल रमौलीमा रहेको खेल मैदानमा हुनेछ ।

प्रतियोगिताको विजेताले नगद ५० हजार र दोस्रो हुने टिमले ३० हजार नगदसहित शिल्ड मेडल तथा प्रमाणपत्र प्राप्त गर्नेछन भने बिधागत उत्कृष्ट हुने खेलाडीले नगद ५ हजार प्राप्त गर्नेछन् । प्रतियोगिता मनहररी ७ मा रहेको मनहरी युबा क्लबको आयोजाना तथा मनहरी गाउँपालिकाको सहयोगमा सञ्चालन भएको हो ।