चलचित्र ‘दासढुंगा’को च्याप्टर २ बन्ने
तामसालिङ खबर
काठमाडौ – तत्कालीन नेकपा (एमाले) का महासचिव मदन भण्डारी र सगंठन विभाग प्रमुख जीवराज आश्रितको दासढुंगा दुर्घटनामा निधन भएको धेरै बर्ष भयो । यो घटनाको अझै रहस्य खुलेको छैन ।
सोहि घटनामा आधारित चलचित्र ‘दासढुंगा’ को च्याप्टर २ निर्माण हुने भएको छ । सन् २०१० मा रिलिज भएको चलचित्रलाई मनोज पण्डितले निर्देशन गरेका थिए, सिक्वेल भने उनलाई कुमार भट्टराईले निर्देशन गर्ने भएका छन् ।
केहि दिन अघि निर्माण टिमले चलचित्रको थिम पोस्टर सार्वजनिक गरिएको थियो । दासढुंगा काण्डपछि त्यसको प्रत्यक्ष असर पारेका क्षेत्रको कथालाई ‘दासढुंगा २’ ले उठाउने र यसका लागि अहिले अनुसन्धान भइरहेको निर्माता अपिल विष्टले जानकारी दिए । उनका अनुसार यो सिक्वेलले दासढुंगा घटनाका बारेमा थप चिरफार गर्नेछ ।
चलचित्रलाई कुशल पाण्डे, दीपक ओली, प्रकाश केसी लगायतले निर्माण गर्नेछन् । सिक्वेलमा भने अहिलेसम्म कुनै कलाकार फाइनल गरिएको छैन ।
