‘गीत’ का लागि २५ जनाबाट छनोट हुने
तामसालिङ खबर
काठमाडौ – सफल चलचित्र ‘प्रेम गीत’ को सिरिज ‘प्रेम गीत ३’ मा मुख्य अभिनेत्री बन्नका लागी आवेदन दिएकाहरुबाट टप २५ जना युवतीलाई अडिसनका लागी छनौट गरिएको छ । निर्माण टिमले शुक्रवार आवेदन दिएकाहरु २ हजार ७ सय १४ जना युवतीबाट टप २५ छनौट गरेको हो ।
आसुसेन फिल्म्स प्रोडक्सनले चलचित्रको मुख्य क्यारेक्टर ‘गीत’ का लागी आसुसेन फिल्म्स डटकम तथा आसुसेनको अफिसियल ईमेलमा आवेदन मागेको थियो । निर्माता तथा निर्देशक सन्तोष सेन, निर्देशक छेतेन गुरुङ, सिनेम्याटोग्राफर राजेश श्रेष्ठ लगायतको टिमले उत्कृष्ट २५ बाट चरित्र, लुक्स, उचाई, अभिनय शैली, सुन्दरता लगायतलाई ध्यानमा राखेर चलचित्रको ‘गीत’ पात्रका लागि छानिने निर्माता सन्तोष सेनले बताए ।
‘प्रेम गीत’ मा प्रदीप खड्कासँग पूजा शर्मा, ‘प्रेम गीत २’ मा भने अश्लेषा ठकुरीले रोमान्स गरेकी थिइन् भने ‘प्रेम गीत ३’ मा नयाँ अभिनेत्रीलाई अवसर दिन लागिएको निर्माण पक्षको भनाई छ ।
उत्कृष्ट २५ मा छानिएकाहरुलाई आसुसेन फिल्म्सले फोन सम्पर्क गरेर बोलाउनेछ । केहि महिनापछि छायाँकनमा जान लागेको ‘प्रेम गीत ३’ आगामी चैत २८ मा देशभरका हलमा प्रदर्शन हुँदैछ ।
