हेटौंडामा एक युवतीद्वारा आत्महत्या

हेटौडा – मकवानपुरको हेटौंडा उपमहानगरपालिका वडा नम्बर ७ स्थित न्यूरेनीमा एकजना आइतबार युवतीले आत्महत्या गरेकी छिन् । न्यूरेनीस्थित झलक चौलागाईँको घरमा बस्दै आएकी २८ वर्षीया सपना देवकोटाले आत्महत्या गरेकी हुन् ।

जिल्ला प्रहरी कार्यालय मकवानपुरका अनुसार देवकोटाले झुण्डिएर आत्महत्या गरेकी हुन् । देवकोटाको शव देखेपछि स्थानीयले प्रहरीलाई खबर गरेका थिए । उनले आत्महत्या गर्नुको कारण भने हालसम्म पत्ता नलागेको प्रहरीले जनाएको छ ।

उनको शव पोष्टमार्टम् पश्चात् परिवारलाई बुझाइएको जिल्ला प्रहरी कार्यालय मकवानपुरका प्रहरी नायब उपरीक्षक यज्ञप्रसाद भट्टराईले जानकारी दिए ।मकवानपुरमा पछिल्लो समय आत्महत्या गर्नेको संख्या बढ्दो छ ।