वन उपभोक्ता समितिका नयाँ पदाधिकारीहरुलाई मनहरीमा सपथ ग्रहण

मनहरी – मकवानपुरको मनहरी गाउँपालिका वडा नम्बर ९ मा रहेको ज्यामिरेकालिका सामुदायिक वन उपभोक्ता समुहका नवनिर्वाचित पदाधिकारीहरुले सथप ग्रहण गरेका छन् । गत बैशाख २७ गते सम्पन्न निर्वाचनबाट निर्वाचित भएका नयाँ पदाधिकारीहरुलाई वन समुहको सभाहलमा सपथ ग्रहण गराइएको हो ।

नयाँ पदाधिकारीलाई निर्वाचन मण्डलका संयोजक इश्वर चन्द्र रिजालले सपथ ग्रहण गराएका थिए । सपथ ग्रहण संगै नवनिर्वाचित पदाधिकारीलाई प्रमाण पत्र समेत प्रदान गरिएको थियो ।

उनीहरुलाई मनहरी ९ नम्बर वडाका अध्यक्ष साधुराम अधिकारी, ९ नम्बरका वडा सदस्यहरु गुप्त बहादुर थापा , कृष्ण विंडारी लगाएतकाले संयुक्तरुपमा प्रमाण पत्र प्रदान गरेका हुन् । कार्यक्रमको प्रमुख अतिथि समेत रहेका ९ नम्बरका वडा अध्यक्ष साधुराम अधिकारीले विजयी सम्पुर्ण पदाधिकारीहरुलाई बधाई तथा कार्यकाल सफलताका लागि शुभकामना समेत ब्यक्त दिए ।

कार्यक्रममा नवनिर्वाचित अध्यक्ष दिपक पुलामी मगरले उपभभोक्ताहरुको चाहना विपरित कुनै पनि कार्य नर्गने प्रतिबद्धता जनाए । ‘हाम्रो टिमलाई राम्रो काम गर्नको लागि जिताइएको हो , हामी राम्रो काम मात्र गर्छौँ, नवनिर्वाचित अध्यक्ष पुलामीले भने , ‘उपभोक्ताहरुको मार्ग दर्शन भन्दा एक इन्च पनि दाया बाया हुँदैन ।’

९ नम्बरका वडा अध्यक्ष साधुराम अधिकारीको प्रमुख आतिथ्यमा सम्पन्न कार्यक्रममा ९ नम्बरका वडा सदस्यहरु गुप्त बहादुर थापा , कृष्ण बिंडारी तथा उपभोक्ताहरुको उपस्थिति रहेको थियो ।