मनहरीको जैसिङमा तीनवटा ट्रक ठोक्कीयो
तामसालिङ खबर
हेटौँडा : हेटौडा – नारायणगढ सडक खण्ड अन्तर्गत पुर्बपश्चिम लोकमार्गमा रहेको मनहरी गाउँपालिका ९ स्थित जैसिङमा आज बिहान तीनवटा ट्रक आपसमा ठोक्किँदा १० जना घाइते भएका छन् । घाईते मध्ये तीनजनाको अवस्था गम्भिर रहेको जिल्ला प्रहरी कार्यालय मकवानपुरले जनाएको छ ।
हेटौंडाबाट नारायणगढतर्फ जाँदै गरेको ना ६ ख ३३७४ नम्बरको ट्रक र नारायणगढबाट हेटौंडातर्फ आइरहेको ना ४ ख ११९२ नम्बरको ट्रक आपसमा ठोक्किएका हुन् । दुई ट्रक ठोक्किएपछि नारायणगढतर्फबाटै आइरहेको ना ६ ख ९९०७ नम्बरको तेस्रो ट्रक पनि ठोक्किएर दुर्घटना भएको छ ।
घटनामा घाईते भएकाहरुलाई उपचारको लागि चितवन पठाईएको प्रहरीले जनाएको छ । घाइतेको नामावली प्राप्त हुन सकेको छैन । घाइते हुनेमा तीनै ट्रकका चालक सहचालक र केही यात्रु पनि छन् ।
एक ट्रकले अर्कोलाई ओभरटेक गर्ने क्रममा दुर्घटना भएको प्रारम्भिक अनुमान गरिएको प्रहरीले जनाएको छ ।
यो पनि पढ्नुहोस्
