विश्व प्रेस स्वतन्त्रता दिवसको अवसरमा हेटौँडामा प्रभातफेरी
तामसालिङ खबर
हेटौडा – विश्व प्रेस स्वतन्त्रता दिवसको अवसरमा आज हेटौंडामा प्रभातफेरीको आयोजना गरिएको छ । नेपाल पत्रकार महासंघ मकवानपुर शाखाले प्रभातफेरीको आयोजना गरेको हो ।
लोकतन्त्र र शान्तिका लागि मिडिया, ईन्टरनेटको यूगमा पत्रकारिता र निर्वाचन लेखिएको व्यानरसहित पत्रकारहरुले बजार परिक्रमा गरेका थिए । र्याली हेटौंडाको सिमाचोकबाट निकालीएको प्रभातफेरी बुद्धचोक, पिपलबोट, मकवानपुर उद्योग बाणिज्यसंघ हुँदै पुन सिमाचोकमा आएर कोण सभामा परिणत भएको थियो । मे ३ का दिन विश्वभर विश्व प्रेस स्वतन्त्रता दिवस मनाइदै आएको छ ।
र्यालीमा पत्रकार महासघ मकवानपुरको अध्यक्ष हरि हुमागाईको अध्यक्षतामा भएको कार्यक्रममा, पत्रकार महासघ तिन नम्बर प्रदेशको महासचिब कृष्ण सारुमगर, पत्रकार महासंघ मकवानपुरका पुर्बअध्यक्ष राममणि दाहाल, ब्रोकाष्टिङ एसोसियशन नेपाल बानका उपाध्यक्ष उज्वल चौलागाई, पत्रकार महासंघ मकवानपुरका पुर्ब अध्यक्षहरु नबराज शर्मा, कौषल पाण्डे लगायत सञ्चारसँग सम्बन्धित विभिन्न संघ संगठनका प्रतिनिधिहरुको सहभागिता रहेको थियो ।
यो पनि पढ्नुहोस्
