मनहरी खोलामा डुबेर एक किशोरीको मृत्यु

हेटौडा (मनहरी) – मकवानपुरको पश्चिमी क्षेत्रमा पर्ने मनहरी खोलामा डुबेर एक किशोरी मृत्यु भएको छ । मनहरी गाउपालिका वडा नम्बर ७ लामा बस्तिकी १३ बर्षीय सिर्जना मोक्तान बुधबार दिउसो मृत्यु भएको हो ।

गिटी बालुवा उत्खननका लागि एक्साभेटरले खाल्डो खनेको स्थानबाट बगेको पानीमा डुब्दा मोक्तानको ज्यान गएको इलाका प्रहरी कार्यालय मनहरीले जनाएको छ ।

पौडी खेल्न गएका चारजना साथीहरुमध्ये १ जना हराएपछि साथीहरुले मुक्तानको घरमा खबर गरेका थिए । अभिभावक, प्रहरी र स्थानीयबासी मिलेर जमेको पानी निकास निकालेर खोज्दा सिर्जनाको शव देखिएको थियो ।

शबलाई स्थानीय र प्रहरीले पानीबाट निकालेका थिए । उनी राष्ट्रिय रोटरी माध्यमिक विद्यालयमा कक्षा ६ मा अध्ययनरत थिइन् ।