दुइ दिनमा मौसम बद्ली हुने, बर्षा र हिमपात हुने सम्भावना

काठमाडौं – बिहीबार देशको पूर्वी तथा मध्य भूभाग र पश्चिमका पहाडी भुभागमा आंशिकदेखि सामान्य बदली र बांकी भुभागमा आंशिक बदली रहने जल तथा मौसम विज्ञान विभागले जनाएको छ ।

विभागका अनुसार देशको पूर्वी तथा मध्य भूभागको थोरै स्थानहरुमा र पश्चिमी पहाडी भूभागका एक–दुइ स्थानमा मेघगर्जन सहित हल्का वर्षाको संभावना छ। उच्च हिमाली भेगका थोरै स्थानहरुमा हिमपातको सम्भावना रहेको छ ।

त्यसैगरी शुक्रबार दिनको सयमा देशका पूर्वी तथा मध्य र पश्चिमका पहाडी भुभागमा आंशिकदेखि सामान्य बदली रहनेछ भने बाँकी भूभागमा आंशिक बदली रहनेछ । देशका पहाडी भूभागमका केहि स्थानमा मेघगर्जन सहित हल्का वर्षाको संभावना रहेको छ।

रातिको समयमा देशको पहाडी भूभागमा आंशिक बदली र बांकी भुभागमा सामान्यतया सफा रहनेछ । देशका पहाडी भूभागका एक दुइ स्थानमा मेघ गर्जन सहित हल्का वर्षाको संभावना रहेको छ ।