मकवानपुरमा छुट्टाछुटै दुर्घटनामा दुइ जनाको मृत्यु

हेटौंडा– मकवानपुरमा हिजो (बिहिबार) भएको छुट्टाछुटै दुर्घटनमा दुइजनाको मृत्यु भएको छ । हेटौंडाको बसामाडीमा पश्चिततर्फ जाँदै गरेको ना ४ ख ३३७५ नम्बरको यात्रुबाहक बसले किचेर एक युवाको मृत्यु भएको छ ।

बिहिबार साँझ ६ बजेको समयमा बसका सहचालक धनुषा घर भएका अन्दाजी १७ वर्षीय रवि सुहानीको घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ ।

बसको ढोकाबाट खसेर पछाडिको चक्काले किच्दा सुहानीको घटनास्थलमै मृत्यु भएको मकवानपुर प्रहरी प्रवक्ता प्रहरी नायव उपरीक्षक यज्ञप्रसाद भट्टराईले जानकारी दिए । प्रहरीले बस चालक र बसलाई नियन्त्रणमा लिएर आवश्यक कारबाहीको प्रक्रिया अगाडि बढाएको जानकारी प्राप्त भएको छ ।

त्यस्तै ,मकवानपुरको मनहरी गाउँपालिका वडा नम्बर ६ नयाँबस्तीमा बिहिबार स्कुटरलाइ ट्रकले ठक्कर दिदा स्कुटरको पछाडि बसेकी भरतपुर महानगरपालिका वडा नम्बर २ बस्ने मुना गुरुङको घनटास्थलमै मृत्यु भएको हो ।

मनहरीबाट नारायाणगढतर्फ जाँदै गरेको ना ८ ख १८४२ नम्बरको ट्रकले सोही दिशा तर्फ गइरहेको ना ५९ प ३८०४ नम्बरको स्कुटरलाई ट्रकले ठक्कर दिएको हो । स्कुटर चालक खैरहनी नगरपालिका ८ बस्ने सरोज चौधरी घाईते भएको छ । ट्रक र चालकलाई नियन्त्रणमा लिएको इलाका प्रहरी कार्यालय मनहरीले जनाएको छ ।