ज्योति माबिको ४ कोठे भवनको शिलान्यास
तामसालिङ खबर
माघ, हेटौंडा – हेटौंडा १८ मा रहेको ज्योति माध्यमिक बिद्यालय (प्राबिधिक शिक्षालय) को ४ कोठे भवनको शिलान्यास गरिएको छ । हेटौंडा उपमहानगरपालिकाको सहयोगमा निर्माण हुने भवनको बुधवार उपमहानगरका नगर प्रमुख मीनाकुमारी लामाले शिलान्यास गरेकी हुन् ।
चालु आर्थिक बर्षको बजेटमा समाबेश रहेको बिद्यालय भवनको निर्माणका लागि करिब १ करोड रुपियाँ लाग्ने बिद्यालय व्यवस्थापन समितिका अध्यक्ष हर्क रम्तेलले जानकारी दिए ।
भवनको शिलान्यास गर्दै नगर प्रमुख लामाले शैक्षिक गुणस्तर सुधारका लागि उपमहानगर लागिरहेको बताइन् । उनले शैक्षिक सुधारका लागि उपमहानगरले नयाँ कार्ययोजना बनाएर अघि बढ्ने तयारीमा रहेको जानकारी दिइन् ।
आगामी आर्थिक बर्षलाई शैक्षिक बर्षको रुपमा मनाउँने तयारीमा उपमहानगर रहेको भन्दै बिद्यार्थिलाई गुणस्तरीय शिक्षा दिने काममा अभिभाबक र शिक्षकको भूमिका महत्वपूर्ण हुने बताइन् ।
बिद्यालय व्यवस्थापन समितिका अध्यक्ष रम्तेलको अध्यक्षतामा भएको कार्यक्रममा हेटौंडा १८ का वडा अध्यक्ष अनिलकुमार बानियाँ, बिद्यालयका प्रधानाध्यापक जयराम थापा सहित स्थानिय संघ सस्थाका प्रतिनिधीहरुको आतिथ्यता रहेको थियो ।
यो पनि पढ्नुहोस्
