मनहरी ९ को नवनिर्मित वडा कार्यालय उद्घाटन
तामसालिङ खबर
कार्तिक, हेटौडा (मनहरी) – मनहरी गाउँपालिका ९ नम्बर वडाको नवनिर्मित कार्यालय भवन विहीबार उद्घाटन गरिएको छ । नेपाली कांग्रेस वाग्मती प्रदेश सभापति एवम् प्रदेशसभा सदस्य इन्द्रबहादुर बानियाँले नवनिर्मित कार्यालय भवनको उद्घाटन गर्नुभएको हो।
रत्नकुमारी एण्ड सन्स हेटौंडा मकवानपुरले २०७६/१०/०१ गतेबाट निर्माण सुरु गरेको भवन ७९ लाख ११ हजारमा निर्माण भएको हो । साढे २ तल्ले भवनमा ६ वटा अफिस कोठा, हल, गेष्ट रुम र भान्सा रहेको छ ।
भवनको उद्घाटन गर्दै नेता बानियाँले सेवामुखी भएर काम गर्न जनप्रतिनिधिलाई सुझाएका थिए । उनले वर्तमान व्यवस्था कमजोर बनाउने तत्व सक्रिय भइरहेको बताउँदै जनताको अवस्था परिवर्तन हुन नदिनेहरु चिन्न जरुरी रहेको बताए।
उद्घाटन कार्यक्रममा मनहरी गाउँपालिका अध्यक्ष रन्जन कालाखेती, उपाध्यक्ष सीता पुलामी मगर, वडा सदस्य गुप्तबहादुर थापा, निवर्तमान वडा अध्यक्ष साधुराम अधिकारी, ८ नम्बरका वडाअध्यक्ष नारायण उप्रेती लगायतको आतिथ्यता रहेका थिए।
यो पनि पढ्नुहोस्
