थाहाको गोपालीले राष्ट्रिय स्तरको दौडमा रजत पदक
तामसालिङ खबर
बैशाख, हेटौडा (थाहा नगर) – थाहा नगरपालिका ६ स्थित इअन एकेडेमीमा अध्ययरत दिना गोपालीले केन्द्रस्तरीय राष्ट्रपति रनिङ शिल्ड प्रतियोगिता १ सय मिटर छात्रा दौड तर्फ रजत पदक हात पारेकी छिन् ।
गत २०७९ पौषमा श्री बजवाराही माविमा भएको थाहा नगरपालिका मावि स्तरीय राष्ट्रपति रनिङ शिल्ड प्रतियोगिताको छनौट चरणमा उत्कृष्टता हासिल गर्दै ७ फागुन २०७९ मा मकवानपुर जिल्लास्तरीय छनौट चरण, बागमती प्रदेश स्तरीय प्रतियोगितामा समेत उत्कृष्टता हासिल गर्दै राष्ट्रिय स्तरको प्रतियोगितामा गोपालीले रजत पदक हात पारको हो ।
प्रदेश स्तरीय प्रतियोगितामा १०० मिटर र २०० मिटर छात्रा दौडमा २ स्वर्ण हात पारेकी गोपाली दौड प्रतियोगिता संगै पढाएमा समेत अब्बल रहेको एकेडेमीका शिक्षक सुनिल महर्जनले बताए ।
राष्ट्रिय स्तरको प्रतियोगितामा समेत रजत पदक हात पारी विद्यालय तथा सिंगो थाहा नगरको गरिमालाई उच्च राख्न सहयोग गरेकी गोपालीलाई विद्यालयबाट भव्य कार्यक्रमका साथ बधाई तथा शुभकामना कार्यक्रमको तय गरिने महर्जनले जानकारी दिए । थाहा नगरको एकमात्र प्रतिनिधित्व खेलाडी दिना गोपालीको सफलताले थाहा नगरबासीहरु हर्षित रहेका छन् ।
यो पनि पढ्नुहोस्
