मकवानपुरगढी गाउँपालिका स्तरिय भेट्रान्स फुटसल प्रतियोगिता हुने
तामसालिङ खबर
कार्तिक, हेटौड (मकवानपुर गढी) – शुभ दिपावलीको अवसरमा मकवानपुरगढी गाउँपालिकामा भेट्रान्स फुटसल प्रतियोगिता हुने भएको छ । प्रतिभा युवा क्लबको आयोजनामा ३० बर्षमाथिको भेट्रान्स फुट्सल प्रतियोगिता हुन लागेको हो ।
बुधबार पत्रकार सम्मेलन गरी यहि कार्तिक ६ गतेदेखि मकवानपुरगढी गाउँपालिका-३ स्थित भानु मिनीपिचमा सुरु हुने आयोजक क्लबका अध्यक्ष हेमबहादुर योन्जनले जानकारी दिए । प्रतियोगितामा मकवानपुरगढी गाउँपालिकाभित्रका खेलाडी तथा क्लबले मात्रै सहभागीता जनाउन पाउनेछन् ।
प्रतियोगिताको बिजेता टोलीले खशी सहित ट्रफी, मेडल र प्रमाणपत्र प्राप्त गर्नेछन् । त्यस्तै उपबिजेता हुने टोलीले बोका र तेस्रो हुने टोलीले कुखुराको भाले सहित ट्रफी, मेडल र प्रमाणपत्र प्राप्त गर्नेछन् ।
नक आउटको आधारमा हुने प्रतियोगिताको खर्च २ लाख ३५ हजार हुने आयोजकको अनुमान छ । टिम दर्ताको अन्तिम मिति कार्तिक ५ गते ४ बजेसम्म रहेको छ भने ५ बजे मकवानपुरगढी-४ स्थित रुद्रबाटीकामा टाइसेट तानिने आयोजकले जनाएको छ ।
त्यस्तै टिम दर्ता शुल्क २ हजार लाग्नेछ भने टिम दर्ता गराउदा खेलाडीको नागरिकता प्रमाणपत्रको प्रतिलिपी र फोटो अनिवार्य ल्याउनु पर्नेछ ।
यो पनि पढ्नुहोस्
