मकवानपुरमा चट्याङ लागेर एक जनाको मृत्यु

भदौ, हेटौंडा (राक्सिराङ) – मकवानपुरमा चट्याङ लागेर एकजनाको मृत्यु भएको छ ।

मंगलबार साँझ चट्याङ लागेर जिल्लाको राक्सिराङ गाउँपालिका-२ बरेटार की स्थानीय ६२ वर्षीया कालिमाया स्याङतानको मृत्यु भएको प्रहरीले जनाएको छ ।

आफ्नै घर नजिकै बारीमा वर्षासंगै आएको चट्याङ लागेर स्याङतानको मृत्यु भएको जिल्ला प्रहरी कार्यालय मकवानपुरले जनाएको छ ।
घटनास्थलमा प्रहरी टोली जाँदै गरेको र थप अनुसन्धान भईरहेको प्रहरीले जनाएको छ ।