थाहानगरमा पुष २६ गते देखि तेस्रो थाहा गोल्डकप हुने

पुष, हेटौडा (थाहा नगर) – मकवानपुरको थाहा नगरपालिकाको आयोजनामा तेस्रो थाहा गोल्डकप फुटबल प्रतियोगिता हुने भएको छ ।

थाहा दर्शनको प्रणेता रुपचन्द्र बिष्टको जन्मोत्सवको दिन पारेर यहि पुस २६ गते देखि तेस्रो थाहा गोल्डकप फुटबल प्रतियोगिता हुने भएको हो ।

थाहा नगरको इन्द्रायणी चौरमा आयोजना हुने प्रतियोगिताको लागि टिम दर्ता खुल्ला गरिएको छ । प्रतियोगितामा सहभागी हुने टिमले दर्ता शुल्क ८ हजार र कार्ड डिपोजिट शुल्क २ हजार तोकिएको छ । प्रतियोगितामा प्रथम हुने टिमले नगद १ लाख शिल्ड मेडल र प्रमाणपत्र पाउनेछन भने उपबिजेताले ५० हजार सहित मेडल प्रमाणपत्र प्राप्त गर्ने आयोजकले जनाएको छ ।