मकवानपुर उद्योग बाणिज्य संघको अध्यक्षमा कृष्ण अग्रवाल विजयी
तामसालिङ खबर
कार्तिक, हेटौंडा – उद्योग वाणिज्य संघ मकवानपुरको अध्यक्षमा कृष्ण कुमार गुप्ता (अग्रवाल)ले विजय हासिल गरेका छन् ।
संघका पूर्वअध्यक्षसमेत रहेका राजकुमार न्यौपानेलाई पराजित गर्दै अग्रवालले जितेका हुन् । अग्रवालले एक हजार २ सय ४६ मत प्राप्त गरे ।
उनका निकटतम प्रतिद्धन्दी न्यौपानेले १ हजार १ सय ५५ मत मात्रै पाए । संघको ५४ र ५५ औं साधारणसभा तथा अधिवेशनबाट अग्रवाल तीन वर्षे कार्यकालका लागि अध्यक्षमा निर्वाचित भएका हुन् ।
अग्रवालले प्यानलबाट वाणिज्य तर्फको उपाध्यक्षमा अनिल अग्रवाल र उद्योगतर्फको उपाध्यक्षमा प्रमोदसिंह रानाभाट विजयी भए । अग्रवालले न्यौपाने प्यानलका रामप्रसाद न्यौपानेलाई र रानाभाटले प्रतिमा श्रेष्ठलाई हराएका थिए ।
न्यौपाने प्यानलबाट बस्तुगत उपाध्यक्षमा राजु अधिकारी र एशोसिएट उपाध्यक्षमा उज्वल चौलागाईंले जितेका छन् । अधिकारीले गुप्ता प्यानलका काव्यमणि अधिकारी र चौलागाईंले विष्णु खनाललाई पराजित गरेका थिए ।
निर्वाचनमा कडा प्रतिस्पर्धाका साथ गुप्ता र न्यौपानेको भिडन्त देखिएको थियो । नेपाल उद्योग वाणिज्य महासंघ केन्द्रको चुनावमा पराजित भएका न्यौपाने पुनः जिल्लामा अध्यक्षमा उम्मेदवारी दिएका हुन् । उनी संघको पूर्व अध्यक्ष समेत रहेका छन् । यस अघि गुप्ता भने वाणिज्य तर्फको उपाध्यक्ष रहेका थिए ।
यो पनि पढ्नुहोस्
