सुनको मूल्यमा निरन्तर बृद्धि, आज तोलाको दुई सयले बढ्यो

कार्तिक, काठमाडौं – नेपाली बजारमा सुनको मूल्य आज पनि बढेको छ । सुनचाँदी व्यवसायी महासंघका अनुसार हिजो सुनको मूल्य प्रतितोला ९२ हजार ४ सयमा कारोबार भएकोमा आज तोलामा दुई सयले बढेको हो । सोमबार पनि सुनको मूल्य तोलामा तीन सयले बढेको थियो ।

महासंघका अनुसार आज छापावाल सुनको मूल्य प्रतितोला ९२ हजार ६ सय रहेको छ भने तेजावी सुनको मूल्य ९२ हजार १ सय रहेको छ । त्यस्तै, आज चाँदीको मूल्य भने स्थिर रहेको छ ।

हिजो चाँदीको मूल्य १२६५ मा कारोबार भएकोमा आज पनि सोहि मूल्य कायम भएको महासंघले जनाएको छ ।