‘हेटौँडा रन’ प्रतियोगितामा मिजार प्रथम

असोज, हेटौँडा – हेटौँडामा बिहिबार भएको हेटौँडा रन’ प्रतियोगितामा डेबिट मिजार प्रथम भएका छन् । हेटौँडा उपमहानगरपालिका नगर खेलकुद विकास समितिको आयोजनामा ‘हेटौँडा रन’ प्रतियोगिता भएको हो ।

प्रतियोगिताको ६ किलोमिटर दौडमा हेटौंडा १४ का मिजार प्रथम भएका हुन् । यस्तै हेटौंडा १३ को अम्रित सुनार द्वितीय भए भने सोही स्थानको शशी प्रसाद विश्वकर्मा तृतीय भएका छन् । उनीहरुलाई हेटौंडा उपमहानगरका मेयर हरिबहादुर महतले पुरस्कार वितरण गर्नुभयो । प्रतियोगितामा ४२ जनाले सहभागिता जनाएका थिए ।

खेल र दौडका माध्यमले शरिर स्वस्थ रहने भएकाले यसमा सबै सहभागि भइरहनुपर्ने वताउनुभयो । कार्यक्रममा उपमहानगरपालिकाका उपमेयर मिना कुमारी लामा, प्रमुख प्रशासकिय अधिकृत शिबराज चौलागाई लगायतकाको आतिथ्यता रहेको थियो ।

प्रतियोगिताको प्रथम हुनेले नगद १५ हजार सहित मेडल तथा प्रमाणपत्र, प्रतियोगिताको दोश्रो स्थान हाँसिल गर्नेले १० हजार तथा तेश्रो स्थान हाँसिल गर्नेले ५ हजार सहित मेडल तथा प्रमाणपत्र प्राप्त गरेका छन् ।