युवा नेता घलानद्वारा खेलाडीलाई जर्सी सहयोग

असोज, हेटौडा – नेपाल कम्युनिष्ट पार्टी (माओवादी केन्द्र) मकवानपुर जिल्ला समन्वय समितिका सदस्य युवा नेता लिलाकुमार घलानले खेलाडीहरुलाई १ सेट जर्सी सहयोग हस्तान्तरण गरेका छन् ।

उनले हेटौंडा उपमहानगर वडा नम्बर १५ का नयाँ स्कुलरोड टोल विकास संस्थाका खेलाडीलाई फुटबल जर्सी सहयोग गरेको हो ।

स्थानीय वडाको युवाहरूको स्वास्थ्य र खेलकुद क्षेत्रकाे विकासमा टेवा पुगाेस् भन्ने उद्देश्यले खेलकुद सामग्री सहयोग गरिएको नेता घलानले बताउनु भयो । आगामी दिनमा पनि विभिन्न क्षेत्रमा आवश्यक सहयोग निरन्तरता हुने उनले बताए ।