मैत्रीपुर्ण महिला फुटबल प्रतियोगिता: नेपाल र बंगलादेश बिच दशरथ रंगशालामा हुने
तामसालिङ खबर
भदौं, काठमाडौं – नेपाल र भारतीय पुरुष फुटबल टोलीबीच अन्तर्राष्ट्रिय फुटबल म्याच सकिए लगतै दशरथ रंगशालामा अर्को दुई अन्तर्राष्ट्रिय मैत्रीपुर्ण फुटबल म्याच हुने तय भएको छ ।
नेपालको राष्ट्रिय महिला फुटबल टोलीले यहि भदौ २४ र २७ गते (सेप्टेम्बर ९ र १२) का दिन बंगलादेशसँग दुई अन्तर्राष्ट्रिय मैत्रीपुर्ण फुटबल म्याच खेल्ने तय भएको अखिल नेपाल फुटबल संघ (एन्फा) ले जानकारी दिएको छ । मैत्रीपुर्ण फुटबल म्याचका लागि बंगलादेशी महिला फुटबल टोली सोमबार बिहान नेपाल आइपुग्ने एन्फाले जनाएको छ ।
हाल नेपाली महिला फुटबल टोली आगामी बर्ष भारतमा हुने एएफसी वुमन्स एसियन कपको तयारीमा छ । छनोट प्रतियोगिता अनतर्गत नेपाल बलियो फिलिपिन्स र हङकङसँगै समूह एफमा परेको छ । समूहको शिर्ष एक टोली २०२२ एएफसी वुमन्स एसियन कपका लागि छनौट हुनेछ । छनौट प्रतियोगिता अन्तरगत समूह एफकाका खेलहरु उज्वेकिस्तानमा हुनेछ ।
यो पनि पढ्नुहोस्
