सुनको भाउ घट्यो, प्रतितोला कति ?

भदौं, काठमाडौं – आइतबार नेपाली बजारमा सुनचाँदीको भाउ घटेको छ । नेपाल सुनचाँदी व्यवसायी महासंघका अनुसार आइतबार सुनको भाउ प्रतितोला ३०० रुपैयाँले घटेको हो ।

भाउ घटे सँगै नेपाली बजारमा छापावाल सुन प्रतितोला ९० हजार ९०० रुपैयाँमा कारोबार भइरहेको छ । गत शुक्रबार बजारमा सुन प्रतितोला ९१ हजार २०० रुपैयाँमा कारोबार भएको थियो ।

यस्तै तेजाबी सुनको भाउ पनि प्रतितोला ३०० रुपैयाँले घटेर प्रतितोला ९० हजार ४०० रुपैयाँमा कारोबार भइरहेको महासंघले जनाएको छ ।महासंघका अनुसार, चाँदी प्रतितोला १५ रुपैयाँले घटेर एक हजार १८५ रुपैयाँमा कारोबार भइरहेको छ ।