सुर्य रुम्बाको प्रेमको रंग सार्बजनिक (भिडियो)
तामसालिङ खबर
भदौ, हेटौडा – मकवानपुरे गायक तथा संगीतकार सुर्य रुम्बाको ‘प्रेमको रंग’ बोलको गीतको म्युजिक भिडियो रिलिज भएको छ ।
बैदेशिक रोजगारीको शिलशिलामा दक्षिण कोरिया रहेर पनि लामो समय देखि नेपाली सांगीतिक क्षेत्रमा सक्रिय गायक रुम्बाको गीत शनिबार जुम माध्यम (भर्चुयल मार्फत) रिलिज गरिएको छ ।
दक्षिण कोरियाको विभिन्न रमणीय स्थानमा छायांकन गरिएको म्युजिक भिडियोमा गायक रुम्बा र पारु स्याङतानको अभिनयलाई फिचरिङ गरिएको छ । गायक रुम्बाको शब्द, स्वर गीतमा आरबी सिङ्तानको संगीत र एरेन्ज रहेको छ ।
शुभराज भोम्जनको निर्देशनमा तयार भएको म्युजिक भिडियोमा बिशालराज राईको सम्पादन, अमिर योन्जनको छायांकन, ज्योति लामाको मेकअप, गौतम गोलेले ड्रोन उडाएका थिए । म्युजिक भिडियो रुम्बा टिभीको अफिसियल युट्युब च्यानल मार्फत रिलिज गरिएको हो ।
पहिलो एल्बम ‘नाम’ बाट सांगीतिक क्षेत्रमा प्रबेश गरेका उनि पप गीत संगीत क्षेत्र, तामाङ भाषाको गीत, विभिन्न चलचित्रहरुमा समेत स्वर दिईसकेका छन् ।
पत्रकार सम्मेलनमा पत्रकार महासंघ मकवानपुरका अध्यक्ष मणिराज गौतम, पत्रकार एवम् लेखक रामकुमार एलन, जनजाति पत्रकार महासंघ कोरियाका अध्यक्ष गोकुल थोकर, गैर आवासिय नेपाली संघ दक्षिण कोरियाका आइसीसी सदस्य सोम तामाङ, जनजाति महासंघ कोरियाका अध्यक्ष युगेल तेण्डुप शेर्पा लगायत विभिन्न सन्चारगृहमा आवद्ध सन्चारकर्मीहरु तथा अन्य संघ संस्थाका प्रमुखहरुको सहभागिता रहेको थियो ।
भिडियो हेर्नुहोस् –
