नगर खेलकुदको स्थापना दिवसमा हुप्रचौर सरसफाई

साउन, हेटौडा – हेटौंडा उपमहानगरपालिका नगर खेलकुद विकास समितिले प्रथम स्थापना दिवस मनाएको छ । खेलकुद विकास समितिले लोकतान्त्रिक पार्क (हुप्रचौर) मा सरसफाई कार्यक्रमको आयोजना गरि स्थापना दिवस मनाएको हो ।

कार्यक्रममा हेटौंडा उपमहानगरपालिकाका उपप्रमुख मिना कुमारी लामा, बागमती प्रदेश युवा परिषदका कार्यकारी उपध्याक्ष सन्तोष चौलागाई, जिल्ला युवा समिति मकवानपुरका अध्यक्ष शिवहरि दाहाल, हेटौंडा उपमहानगरपालिका २ नं वडा सदस्य महेश्वरमान श्रेष्ठ, हेटौंडा उपमहानगरपालिका शिक्षा विकास महाशाखा प्रमुख, सामाजिक विकास शाखा प्रमुख, विभिन्न खेल सम्बिन्धत संघ संस्थाका प्रमुखहरु तथा खेलाडीहरुको उपस्थित रहेको थियो ।

कार्यक्रम नगर खेलकुद बिकास समितिका अध्यक्ष चन्द्र शाहीको अध्यक्षतामा सम्पन्न भएको थियो । कार्यक्रममा बोल्दै खेलकुद विकास समितिका अध्यक्ष चन्द्र शाहीले कार्यक्रमलाइ सफल बनाउन सहयोग गर्नुहुने सम्पूर्णलाइ धन्यबाद ब्यक्त गर्दै आगामी दिनमा नगर खेलकुद विकास समितिले खेलाडी र खेलकुदको विकास र विस्तारमा योजना बनाइ अगाडि बढ्ने बताए ।

अध्यक्ष शाहीले वार्षिक तालिका अनुरुप खेल कार्यक्रम निर्धारण गर्ने, नगर हाता भित्र खेलाडी प्रोत्सहन र विकाशमा प्रमुख जोड दिने र युवा समूहलाई प्राथमिकतामा राखी आफ्नो कार्यक्रम गर्ने प्रतिबद्धता समेत जनाए ।