गण्डकी प्रदेशले ल्यायो, ३० अर्ब ३ करोडको बजेट

असार, पोखरा – गण्डकी प्रदेश सरकारले आर्थिक वर्ष २०७८/७९ का लागि ३० अर्ब ३ करोड ९४ लाखको बजेट सार्वजनिक गरेको छ ।

मंगलबार मुख्यमन्त्री कृष्ण चन्द्र नेपाली पोखरेलले आ.व. २०७८/०७९ का लागि चालू तर्फ १३ अर्व ६ करोड ४७ लाख, पुँजीगत तर्फ १६ अर्व ७३ करोड ४६ लाख र वित्तिय व्यवस्थापन तर्फ २४ करोड बजेट विनियोजन गरेका हुन् ।

छुट्याइएको ३० अर्व ३ करोड ९४ लाखको बजेट मध्ये प्रदेशले नेपाल सरकारबाट वित्तिय समानीकरण अनुदान ७ अर्व ४२ करोड प्राप्त गरेको छ ।

यसै गरि सशर्त अनुदानतर्फ ४ अर्व १८ करोड, समपूरक अनुदानतर्फ ८७ करोड, विशेष अनुदानतर्फ ५४ करोड प्राप्त गरेको छ । त्यस्तै, राजश्व बाँडफाँट ७ अर्व ६२ करोड र रोयल्टीबाट ३० करोड पाउने अनुमान गरिएको मुख्यमन्त्री पोखरेलले बताएका छन् ।