नेपाल र कतारबीचको टी–२० सिरिज स्थगित

माघ, काठमाडौ – नेपाली राष्ट्रिय क्रिकेट टिम र कतारबीच हुने भनिएको टी–२० क्रिकेट सिरिज स्थगित भएको छ । नेपाल क्रिकेट संघ (क्यान) ले सोमबार नेपाल र कतारबीचको सिरिज स्थगित भएको जनाएको छ ।

नेपालले कतारसँग कतार स्पोर्ट्स डेको अवसरमा बाइल्याट्रल टी–२० सिरिज खेल्ने तालिका रहेको थियो । सिरिज फेब्रुरी ९ देखि १२ सम्म हुने तालिका रहेको थियो । तर, कोरोनाको महामारी बढेसंगै कतार सरकारले स्पोर्ट्स डे स्थगित गरेपछि नेपालको कतार भ्रमण स्थगित भएको हो ।

कतार भ्रमणका लागि नेपालले बन्द प्रशिक्षणका लागि १८ सदस्यीय खेलाडी छनोट समेत गरिसकेको थियो । क्यानले सोमबारबाट तयारी समेत गर्ने बताएको थियो ।