तेस्रो मनहरी अध्यक्ष कपको उपाधी ३ नम्बर वडाको पोल्टामा
ताम्सालिङ खबर
पुस, हेटौंडा – मकवानपुरको मनहरीमा शनिबार सम्पन्न तेस्रो मनहरी अध्यक्ष कप फुटबल प्रतियोगिताको उपाधी ३ नम्बर वडाको पोल्टामा परेको छ । शनिबार भएको फाईनल खेलमा ७ नम्बर वडालाई ट्राईब्रेकरमा ५-४ गोल अन्तरले हराउँदै ३ नम्बर वडाले उपाधी हात पार्न सफल भएको हो ।
उपाधी हात पारेको ३ नम्बर वडाले नगद १ लाख सहित ट्रफी,मेडल र प्रमाणपत्र प्राप्त गरेको छ । उपविजेता टिम ७ नम्बर वडाले नगद ५० हजार सहित ट्रफी,मेडल र प्रमाणपत्र प्राप्त गरेको छ ।
प्रतियोगितामा विजेताहरुलाई मनहरी गाउँपालिका अध्यक्ष तथा प्रमुख अतिथि एकराज उप्रेती,मनहरी गाउँपालिका खेलकुद विकास समितिका अध्यक्ष नविन सुवेदी लगायत वडाअध्यक्षहरुले पुरस्कार वितरण गरेका थिए ।
प्रतियोगिताको उत्कृष्ट किपर ३ नम्बर वडाका आषिश मोक्तान,डिफेण्डर ७ नम्बर वडाका सुदिप सापकोटा, मिडफिल्डर ७ ३ नम्बर वडाका रविन खड्का,फरवार्ड सञ्जिव बल र सवोत्कृष्ट खेलाडी वडा नंबर ३ का सुनिल रुम्बा भए । उनीहरुले नगद ५ हजार तथा शिल्ड, मेडल प्राप्त गरे । यसैगरि प्रतियोगितामा उदयमान खेलाडी ४ नम्बर वडाका विशाल प्रजा भएका छन् ।
यो पनि पढ्नुहोस्
