अध्यक्ष कपको उपाधिका लागि मनहरी ३ र ७ भिड्ने

पुस, हेटौंडा (मनहरी) – मकवानपुरको मनहरी गाउपालिकामा जारी तेस्रो अध्यक्ष कप फुटबल प्रतियोगिताको उपाधिको लागि वडा नम्बर ७ र ३ नम्बर वडा भिड्ने भएका छन् । बिहिबार भएको दोस्रो सेमिफाईनल खेलमा वडा नंबर ४ लाई २-० गोल अन्तरले हराउँदै वडा नंबर ७ फाईनलमा पुगको हो ।

यसअघि बुधबार भएको पहिलो सेमिफाईनल खेलमा वडा नंबर २ लाई ३-० गोल अन्तरले हराउँदै वडा नंबर ३ फाईनलमा प्रवेश गरेको थियो ।
३ र ७ नम्बर वडा बीचको फाइनल भिडन्त शनिबार दिउँसो हुनेछ । प्रतियोगिताको विजेताले नगद एकलाख रुपैयाँ र उपविजेताले नगद ५० हजारसहित ट्रफी प्राप्त गर्नेछ ।

प्रतियोगिताको बिधागत उत्कृष्ट खेलाडीलाई समेत नगद सहित ट्रफीको व्यवस्था गरिएको खेलकुद विकास समिति मनहरी अध्यक्ष नवीन सुबेदीले जानकारी दिए ।

प्रतियोगिताको फाईनल खेल शनिबार दिउसो २ बजे हुने मनहरी गाउँपालिकाको खेलकुद विकास समितिका अध्यक्ष नविन सुवेदीले जनाकारी दिए । प्रतियोगिताको विजेता वडाले एक लाख र उपविजेता टिमले ५० हजार नगद सहित ट्रफी र प्रमाणपत्र प्राप्त गर्नेछन् ।