राष्ट्रिय सभाको विषयगत समितिका सभापतिको निर्वाचन भोलि हुने
तामसालिङ खबर
साउन, काठमाडौं – राष्ट्रिय सभाका विषयगत समितिको सभापति चयनका लागि यही साउन २३ गते शुक्रबार निर्वाचन हुने भएको छ ।
राष्ट्रिय सभाले सार्वजनिक गरेको सूचना अनुसार साउन २२ गते आज बिहान ११ बजेदेखि अपराह्न ४ बजेसम्म सम्बन्धित समितिको कुनै सदस्यलाई सभापतिमा निर्वाचित गरियोस् प्रस्ताव गर्ने कार्यतालिका तय भएको छ ।
सम्बन्धित समितिको कुनै सदस्यले राखेको प्रस्तावमा अर्को एक सदस्यले समर्थन गर्नुपर्नेछ । राष्ट्रिय सभाको नियमावली, २०७५ को नियम १५० को उपनियम २ बमोजिम उक्त प्रस्ताव दर्ता गर्नुपर्नेछ। निर्धारित समयभित्र दर्ता भएका प्रस्तावको दर्ता क्रमअनुसार सोही दिन ४ :३० बजे सूची प्रकाशन गरिनेछ ।
यस्तै सम्बन्धित समितिको बैठकमा प्रस्तावकले प्रस्ताव प्रस्तुत गर्ने गर्ने र समर्थकले समर्थन गर्ने छन् । सो प्रस्ताव निर्णयार्थ प्रस्तुत गर्ने गरी कार्यतालिका तयार गरिएको छ ।
यो पनि पढ्नुहोस्
