नयाँ क्रिकेट प्रशिक्षकका लागि क्यानले विज्ञापन आह्वान गर्ने

साउन, काठमाडौं – नेपाली क्रिकेट टिमको नयाँ प्रशिक्षक नियुक्तिका लागि आइसीसी सँग समन्वय गरेर १ हप्ताभित्र विज्ञापन आह्वान गरिने भएको छ ।

क्रिकेट संघका सचिव अशोकनाथ प्याकुरेलका अनुसार नेपाल क्रिकेट संघ (क्यान) को सोमबार बसेको बैठकले प्रशिक्षक, महाप्रबन्धक, वित्त प्रबन्धक र क्रिकेट व्यवस्थापकको पदपूर्तिको लागि १ हप्ताभित्र विज्ञापन आह्वान गर्ने निर्णय गरेको हो ।

बैठकले प्रादेशिक क्रिकेट संघ मातहत रहने गरी ७ जना प्रशिक्षकको पदपूर्तिका लागि पनि सूचना प्रकाशित गर्ने निर्णय गरेको उनले जानकारी दिए ।