हेटौडामा आजदेखि भेट्रान्स कप एट ए साइड शुरु हुँदै
तामसालिङ खबर
फाल्गुन १७, हेटौडा – मकवानपुरको हेटौंडामा आज शनिबारबाट दोस्रो राष्ट्रिय भेट्रान्स कप एट ए साइड’ फुटबल प्रतियोगिता सुरु हुँदैछ ।
प्रतियोगितामा आयोजक भुटनदेबी युवा क्लब संगै कोल्बी भेट्रान्स, सर्लाही भेट्रान्स, महाबौद्ध कार्पेट एण्ड बौद्ध भेट्रान्स, अभिषेक चर्च नवलपुर भेट्रान्स(नवलपरासी), वागमति गाउपालिका खेलकुद विकास समिति, एफसी हुप्रा एम, सिमरा भेट्रान्स, हेटाैडा फुटसल भेट्रान्स, हेटाैडा भेट्रान्स, एफसी विजय युथ र फरेस्ट्री बिहानी भेट्रान्स गरि १२ वटा भेट्रान्स क्लवले भाग लिने क्लबका अध्यक्ष सबिन मोक्तानले बताए।
खेलको जिल्ला समन्वय समिति मकवानपुरका प्रमुख रघुनाथ खुलालले उद्घाटन गर्ने कार्यक्रम छ । आज हुने उदघाटन सत्र पहिलो खेलमा एफसी हुप्रा एम र हेटाैडा फुटसल भेट्रान्स, कोल्बी भेट्रान्स र वागमति गाउपालिका खेलकुद विकास समिति बीच प्रतिस्पर्धा हुनेछ ।
प्रतियोगितामा प्रथम हुने समूहले नगद एक लाख, द्दितीय हुने समूहले नगद ५० हजार लगायत शिल्ड मेडल र प्रमाण पत्र प्राप्त गर्ने छ । उत्कृष्ट खेलाडी र सम्पूर्ण खेलमा म्यान अफ दि म्याच हुनेले ट्रफी प्राप्त गर्ने अध्यक्ष मोक्तानले बताए ।
प्रतियोगिता भुटनदेबी युवा क्लबको आयोजनामा आज शनिबार देखि २० गते सम्म हेटौंडाको लोकतान्त्रिक (हुप्र) चौरमा सञ्चालन हुनेछ ।
यो पनि पढ्नुहोस्
