कराँतेकी बिमलाले अमेरिकामा जितिन् स्वर्ण

पुस २४, हेटौडा – कराँतेकी बिमला तामाङले अमेरिकामा स्वर्ण जितेकी छिन् । अमेरिका न्युयोर्क स्थित वेस्टचेस्टरमा भएको इजिआई इन्टरनेसनल ओपन च्याम्पियनसिप २०२० को एकल कातामा स्वर्ण जित्न सफल भएकी हुन् ।

उनले फाइनलमा अमेरिकाको खेलाडीलाई पछि पार्दै स्वर्ण जित्न सफल भएको हो । बिमलाले सेमिफाइनलमा पनि अमेरिकी खेलाडीलाई पछि पारेकी थिइन् ।

उनको स्पर्धामा अमेरिकाका विभिन्न क्लबसँगै विभिन्न राष्ट्रहरुको सहभागिता रहेको थियो । इलाईट स्पर्धामा अमेरिकाका उत्कृष्ट खेलाडीहरुले प्रतिस्पर्धा गर्ने गर्दछन् । बिमला विगत ३ वर्षयता अमेरिकामा रहेकी छिन् ।