एनसेलको २४ घण्टे नयाँ वर्ष अफर, डेटा प्याकमा ५०% छुट
तामसालिङ खबर
पुस १६, काठमाडौं – नयाँ वर्षको अवसरमा एनसेलले डेटा प्याकमा ५०% छुट दिने भएको छ । सन् २०२० जनवरी १ को दिन ५० प्रतिशत छुटमा मासिक डेटा प्याकहरु सुचारु गर्न सकिने छ । प्रिपेड तथा पोस्टपेड ग्राहकले ५० प्रतिशत छुटमा १६ जिबी र ६ जिबी मासिक डेटा प्याक लिन सक्नेछन् ।
यो अफर यहि बुधबार (पुष १६) गते देखि लागु भई २४ घण्टाको लागि मान्य रहने छ । एनसेलका ग्राहकले बुधबार बिहान १२.०० बजेदेखि मध्यरात ११.५९ सम्ममा ५० प्रतिशत छुटमा यी दुई मासिक डेटा प्याक सुचारु गर्न सक्नेछन् ।
यो योजना अन्तर्गत ग्राहकले कर सहित रु १,०२०.२४ पर्ने १६ जिबी प्याक कर सहित मात्र रु ५१०.१२ मा सुचारु गर्न सक्नेछन् । त्यस्तै यहि योजना अन्तर्गत ग्राहकले कर सहित रु ४५३.३० पर्ने मासिक ६ जिबी (३ जिबी+३ जिबी फोरजी डेटा) डेटा प्याक कर सहित मात्र रु २२६.६५ मा सुचारु गर्न सक्नेछन् ।
ग्राहकले एस्ट्रिक्स १७१२३ एस्ट्रिक्स ५० ह्यास डायल गरी प्राप्त निर्देशन अनुसार आफ्नो आवश्यकता अनुसारको डेटा प्याक सुचारु गर्न सक्नेछन् ।
यो पनि पढ्नुहोस्
