साग खेलकुद अन्तर्गत आज जनकपुरमा कुस्ती प्रतियोगिताको उदघाटन हुँदै

मंसीर २०, जनकपुरधाम – १३ औँ दक्षिण एसियाली खेलकुद (साग) अन्तर्गतको कुस्ती प्रतियोगिता प्रदेश नम्बर दुइको मुकाम जनकपुरधाममा आज उदघाटन हुँदै छ । दिउँसो ३ बजे प्रदेश- २ का मुख्यमन्त्री लालबाबु राउतले प्रतियोगिताको उदघाटन गर्ने भएका छन् ।

खेलाडीहरुलाई मैथिली संगीत र लोक नृत्यले स्वागत गर्दै कार्यक्रमको उदघाटन गरिने जिल्ला खेलकुद विकास समितिका अध्यक्ष कमल किशोर चौधरीले जनाएका छन् । जनकपुरधाम स्थित जिल्ला खेलकुद विकास समितिको कभर्डहलमा प्रतियोगिता हुँदैछ ।