हेटौडामा बिद्युत महशुल नतिर्ने २० उद्योगको लाईन काटियो
तामसालिङ खबर
कार्तिक ३०, हेटौडा – प्रदेश न. ३ को अस्थायी राजधानी हेटौडामा लामो समयदेखि विद्युत् महसुल नतिर्ने २० वटा उद्योगको विद्युत लाइन काटी कारवाही प्रक्रिया बढाइएको छ ।
नेपाल विद्युत् प्राधिकरण विद्युत् वितरण केन्द्र हेटौँडाले पटक-पटक ताकेता गर्दा समेत महसुल नबुझाएपछि विद्युत लाइन काटेर कारवाही गरिएको हो ।
ति उद्योगमा एक लाख देखि रु दुई लाख सम्म बक्यौता रकम कूल २२ लाख राजश्व लिनुपर्ने वितरण केन्द्रका प्रमुख योगेन्द्र ठाकुरले बताउनु भयो । बक्यौता रकम नतिर्ने औद्योगिक तथा व्यावसायिक प्रतिष्ठानलाई कालोसूचीमा राखी महसुल असुल गरिएको छ ।
त्यस्तै, शिवम् सिमेन्ट उद्योग माथि विगत चार वर्षदेखि बक्यौता रहेको एक अर्ब २९ करोड विद्युत् महसुल तिर्न बाँकी रहेकोले छिटो भन्दा छिटो बक्यौता महसुल बुझाउन पत्र पनि उद्योगमा पठाएको छ ।
डेडिकेटेड विद्युत लाइन लिएबापत सो उद्योगलाई उक्त रकम तिर्नुपरेको केन्द्रको कार्यालय प्रमुख ठाकुरको भनाइ छ ।
यो पनि पढ्नुहोस्
