थाहा नगरमा हुने सांस्कृतिक मेलामा बुद्ध लामा आउने

कार्तिक २१, हेटौडा (थाहा नगर) – मकवानपुरको उत्तरी क्षेत्र थाहा नगरमा हुने सांस्कृतिक मेलामा पहिलो नेपाल आइडल बुद्ध लामा आउने भएको भएको छ । थाहा कला केन्द्र पालुङको आयोजनामा आउदो मंसिर २८ गते उक्त सास्कृतिक मेला हुन लागेको हो ।

कार्यक्रममा पहिलो नेपाल आइडल बुद्ध लामा संगै स्थानीय कलाकारहरुको सांस्कृतिक प्रस्तुति अन्तर्गत मारुनी नाच, संस्कृति झल्काउने स्थानीय बाजाहरुको समेत प्रस्तुति रहने थाहा कला केन्द्रको अध्यक्ष सानोबाबु मुक्तानले बताउनु भयो ।

कला संस्कृति हाम्रो पहिचान,यसको संरक्षण हाम्रो अभियान भन्ने मुल नाराको साथ स्थापना भएको केन्द्रले नेपाली मौलिक कला र संस्कृतिको संरक्षणको लागि महत्त्वपूर्ण भुमिका खेल्दै आइरहेको छ ।