फिल्म सरौंतोमा, भिटेनको प्रमोश्नल गीत

कार्तिक १९, हेटौडा – र्यापर भिटेन अर्थात् समिर घिसिङले फिल्म ‘सरौतो’को लागि गीत गाएका छन् । भिटेनले फिल्मका लागि प्रमोश्नल शीर्ष गीत गाएका हुन् ।

गीतमा भिटेनकै शब्द तथा संगीत समेटिएको छ । गीतमा भिटेनको साथमा मुख्य कलाकार सुमी मोक्तान र विजय लामा पनि देखिँदैछन् ।

फिल्मको टिजर मन परेपछि भिटेनले गीत तयार गरेका हुन् । गीतको भिडियोमा पनि उनी आफैं देखिने छन् । गीतमा भिटेनलाई केही फरक अन्दाजमा प्रस्तुत गरिएको फिल्मका निर्देशक हरि हुमागाईंले बताए । फिल्मकै थिम अनुसार गीतलाई तयार गरिएको उनले बताए ।

फिल्ममा सुमी मोक्तान, लियो ट्यांक, सन्नी सिंह, आमिर गौतम, अरुणा कार्की, सुवाङ्गम शाह, लियो ट्याँक, विजय लामा, धिरेन शाक्य, युवराज लामा, लगायतको अभिनय देख्न सकिन्छ । फिल्मको छायाँकन काठमाडौँ, सिम्रौनगढ लगायतका स्थानमा भएको छ ।