नेपालकी प्रियारानी लामा, ‘मिस कस्मोपोलिटन वल्ड’को प्रतिस्पर्धामा

कार्तिक १, हेटौडा – मलेसियाको क्वालालम्पुरमा आउँदो कार्तिक ८ गते आयोजना हुने मिस कस्मोपोलिटन वल्र्ड २०१९ को ग्राण्ड फिनालेका लागि नेपालका तर्फबाट प्रियारानी लामाले प्रतिस्पर्धा गरिरहेकी छिन् ।

विश्वको ३३ मुलुकबाट सुन्दरीहरुले प्रतिस्पर्धा गरिरहेको सो प्रतियोगिताको हाल विभिन्न अवार्डको प्रतिस्पर्धा तथा तालिमहरु संचालन भइरहेको छ ।

गत साता सम्पन्न बेस्ट ट्यालेन्ट राउण्डमा प्रिया फर्स्ट रनर अप हुन सफल भएकी थिईन भने अहिले फिनालेमा उच्चतम अंक ल्याउन तथा मिसियोलोजी च्योइस पोलमा जिताउन मिसियोलोजीको फेसबुक पेजमा गएर प्रिया रानी लामाको फोटो लाइक गर्नुपर्ने हुन्छ ।

यस अघि प्रियाले भारतको नया दिल्लीमा संचालन भएको फेश अफ ब्युटी इन्टरनेसनल २०१८ मा नेपालको तर्फबाट सहभागिता जनाएकी थिइन् । प्रतिस्पर्धामा उनले समग्रमा टप ट्वेन्टी सम्मको यात्रा तय गरेकी थिइन् ।

मिस पूर्वाञ्चल २०१० का फस्ट रनर अपको उपाधि विजेता समेत रहेकी उनि २०११ देखि मिस पुर्वान्चलको कोरियोग्राफरको रुपमा कार्यरत छिन् ।

प्रियाले मिस नेपाल २०१० मा सहभागिता जनाएर मिस बेस्ट कम्प्लिकेसनको अवार्ड जितेकी थिईन । हाल उनी नेपाल वन् टेलिभिजनका टेलिभिजन कार्यक्रम प्रस्तोता संगै मोडल तथा कोरियोग्राफरका रुपमा सक्रिय रहेकी छिन् ।