बाग्मतीको ‘अध्यक्ष कप फुटबल’ को तयारी पुरा
तामसालिङ खबर
असोज २७, ललितपुर – ललितपुरको बागमती गाउँपालिकामा ‘अध्यक्ष कप बागमती गाउँपालिका खुल्ला फुटबल प्रतियोगिताको तयारी पुरा भएको छ ।
आइतबार खेलकुद पत्रकार संघको कार्यालय काठमाडौमा पत्रकार सम्मेलन मार्फत बागमती खेलकूद विकास समिति र गाउँपालिकाको आर्थिक सहयोगमा हुन लागेको जानकारी दिए ।
असोज २९ गतेदेखि कार्तिक ६ गतेसम्म हुने प्रतियोगितामा गाउँपालिकाभित्रका ११ टिम, कोञ्ज्योसोम गाउँपालिकाका २ टिम र बकैया गाउँपालिका मकवानपुरका ५ टिम गरी १८ टिमको सहभागीता रहेको पत्रकार सम्मेलनमा जानकारी दिए ।
स्वास्थ्यका लागि खेल, राष्ट्रको लागि खेल र बागमती पर्यटनको लागि खेल भन्ने नाराकासाथ आयोजना हुने प्रतियोगिताको बिजेताले १ लाख, दोस्रोले ५० हजार र सन्त्वाना दुई टिमलाई २०/२० हजार रुपैयाँ नगदसहित शिल्ड, मेडल र प्रमाणपत्र, कदरपत्र, मायाको चिनो प्रदान गरिने आयोजकका संयोजक बुद्धराज नेगीले जानकारी दिए ।
प्युटारको खयरघारी खेल मैदानमा सम्पन्न हुने प्रतियोगिताका प्रथम विजेताले १ लाख, दोस्रोले ५० हजार र सन्त्वाना दुई टिमलाई २०/२० हजार रुपैयाँ नगद सहित शिल्ड, मेडल र प्रमाणपत्र प्रदान गरिने आयोजकले जनाएको छ ।
यो पनि पढ्नुहोस्
