आज देखि ‘छ माया छपक्कै’

असोज २४, काठमाडौं– प्रतिक्षित चलचित्र ‘छ माया छपक्कै’ आज देखि रिलिज हुँदैछ । चलचित्रको यसअघि ‘जूनको जुनेली’ बोलको गीत र ट्रेलर समेत रिलिज भइसकेको छ ।

दीपेन्द्र लामाको निर्देशनमा बनेको ‘छ माया छपक्कै’मा दीपकराज गिरी, केकी अधिकारी, केदार घिमिरे, जितु नेपाल, सुपुष्पा भट्ट, बुद्धि तामाङ लगायतको मुख्य अभिनय रहेको छ ।

राजनीतिक द्वन्द्वको समयमा पलाएको प्रेम र राजनीतिले प्रेममा पार्ने प्रभावको विषयमा बनेको फिल्मले ‘छक्का पञ्जा’ भन्दा फरक शैलीमा रहेको निर्माण पक्षले जनाएको छ ।

रोहित अधिकारी निर्माता, केदारप्रसाद घिमिरे र जितु नेपाल कार्यकारी निर्माता रहेको फिल्मको कथा निर्देशक लामाले नै लेखेका हुन् । दीपकराज गिरीको पटकथा रहेको फिल्ममा केदारप्रसाद घिमिरे, जितु नेपाल, अभिमन्यु निरवीले मिलेर संवाद तयार पारेका छन् ।