मकवानपुरगढीमा आज देखि प्रथम गाउँपालिका स्तरिय रनिङ शिल्ड भलिबल प्रतियोगिता हुदै

असोज १५, हेटौडा (मकवानपुर गढी) – मकवानपुरगढी गाउपालिकामा प्रथम गाउँपालिका स्तरिय रिनङ शिल्ड पुरुष भलिबल प्रतियोगिता हुने भएको छ ।

बडा दशैंको अवसर पारेर मकवानपुरगढी वडा ६ मा रहेको सनराइज युथ क्लबको आयोजनामा आज देखि प्रतियोगिता हुन लागेको क्लबका अध्यक्ष प्रेम बहादुर स्याङ्तानले बताउनु भयो ।

आज देखि सुरु हुने समुदघाटन खेलको प्रतिनिधि सभाका सदस्य विरोध खतिवडाले उदघाटन गरिने क्लबका सल्लाहकार सोम लामाले बताए ।

१७ गते सम्म चल्ने प्रतियोगितामा विजेताले शिल्ड, मेडल, प्रमाणपत्र र नगद १५ हजार प्राप्त गर्नेछन्, भने उपविजेताले मेडल, शिल्ड, प्रमाणपत्र र नगद १० हजार प्राप्त गर्ने क्लबका सल्लाहकार लामाले जानकारी दिनु भयो ।

मकवानपुरगढी गाउँपालिकाको प्रायोजनमा हुने प्रतियोगितामा ९ वटा समूहले सहभागिता रहने खेल क्बलको खेल मैदान डुम्रेकुनामा हुने बताएको छ ।