मिडिया कप फुटसलमा रेडियो सरोबर, मकवानपुर, पालुङ र टिम टिभी बिजयी

असोज ९, हेटौडा – मकवानपुरको हेटौंडामा भएको जिल्ला स्तरीय मिडिया कप फुटसल प्रतियोगिताको पहिलो खेलमा रेडियो मकवानपुर, रेडियो सरोबर, रेडियो पालुङ र टिम टेलिभिजनले जितेको छ ।

बिहिबार बिहान भएको फुटसलको उदघाटन खेलमा राजनीतिक कर्मी र पत्रकार बीच भएको थियो । उक्त खेलमा राजनीतिककर्मी हराउदै पत्रकार टिमले ३-१ गोलको अन्तरले जितेको थियो ।

त्यस्तै, रेडियो मकवानपुर र पत्रकार महासंघ मकवानपुर बीच भएको खेलमा ६-१ गोल अन्तरको फराकिलो बनाउदै रेडियो मकवानपुरले जितेको छ ।

रेडियो सरोबर र रेडियो बुलेटिन बीच भएको खेलमा बुलेटिनलाई रेडियो सरोबरले ट्राईबेकरमा हरायो । खेल २-२ गोलको बराबरीमा रोकिएपछी ट्राईबेकरमा सरोबरको तर्फबाट सुरेश गुरुङ र रितम चौधरीले १-१ गोल थपे र बुलेटिनले १ गोलमात्र गरेपछि जित सरोबरको पोल्टामा गयो ।

त्यस्तै थाहा संचार र रेडियो पालुङ बीच भएको खेलमा रेडियो थाहासंचारलाई पालुङले ४-२ को गोल अन्तरले हरायो । टिम टेलिभिजन र हेटौंडा एफएम बीच भएको खेलमा हेटौंडा एफएमलाई टिम टेलिभिजनले ९-२ को फराकिलो अन्तरले हराएको छ । रेडियो सन्देशको बार्षिकोत्सवको अवसरमा आयोजित खेलमा जिल्लाको ९ सञ्चार गृहले सहभागिता रहेको छ ।