गाउपलिका स्तरिय नकआउट फुटबल प्रतियोगितामा डिपाट र नारायणी बिजय

असोज ६, मनहरी – मनहरीमा जारी गाउँपालिका स्तरिय नकआउट फुटबल प्रतियोगितामा आइतबार २ खेल भएको छ ।

आइतबारको पहिलो मनहरी ६ मा रहेको डिपाट युबा क्लब र विजौना युबा क्लब विच भएको खेलमा डिपाट युबा क्लब १-० गोल अन्तरले विजय भएको छ । डिपाटको तर्फबाट एक मात्र गोल निशान दराइले गरेका थिए ।

त्यस्तै आइतबार नै भएको दोस्रो खेलमा नारायणी युवा क्लब विजय भएको छ । नारायणी युवा क्लब नारायाणघट र एफसी रजैया विच भएको खेलमा नारायाणी युबा क्लब २-१ गोल अन्तरले विजय भएको हो ।

नारायणीको तर्फबाट अनिल गुरुङ र राहुलले १-१ गोल गरेका थिए भने रजैयाको तर्फबट एक मात्र गोल कुमार लामाले गरेका थिए । चुरियामाई युवा क्लबको आयोजनामा सञ्चालित प्रतियोगितामा २४ टिम सहभागी रहेको छ ।

प्रतियोगिताको विजेता टिमले नगद ५५ हाजार ५ सय ५५ , दोस्रो टिमले ३० हजार ३ सय ३३ तथा मेडल र प्रमाण पत्र प्राप्त गर्ने आयोजकले जनाएको छ ।