सिनेमा ‘म्युङ पुजु’ को गीतमा ‘जब माया बुजी’ रिलिज (भिडियो)

असोज, काठमाडौं – पछिल्लो समयमा क्षेत्रमा परिस्कृत भएर आएको तामाङ सिनेमा ‘म्युङ पुजु’ को “जब माया बुजी” बोलको गीत रिलिज गरिएको छ । सिनेमाको गीतमा नब नायक ईश्वर लामा र चर्चित नायिका सुस्मा मोक्तान बीचको सशक्त अभिनय रहेको देखाइएको छ ।

गायक तथा संगीतकार विशाल काल्तानको शब्द संगीतमा रहेको गीतमा गायक काल्तानलाई गायिका जितु लोप्चनले साथ दिएको छ । डम्फु मिडियाको ब्यानरमा निर्माण गरेका तामाङ चलचित्र “म्युङ पुजु”मा अधिकांश सिनेमामा नृत्य निर्देशकको भूमिका निर्बाह गरेको अजय स्याङतानले सिनेमालाई निर्देशन गरेको छ ।

बिक्रम मोक्तानको छायांकन, कान्छीमाया गोलेको कथा, ऋतुराज पाख्रिनको सम्बादमा निर्माणमा बनेको चलचित्र “म्युङ पुजु” चाडैं दर्शक माझ ल्याउने निर्माण पक्षले जनाएको छ ।

सिनेमामा सुस्मा मोक्तान, ईश्वर लामा पाख्रिन, प्रेम गोले, हुइसाल लामा, कान्छीमाया गोले, राजकुमार तामाङ, बिरमान स्याङ्तान, बीरबहादुर गोले लगायतको मुख्य अभिनय रहेको छ ।

भिडियो हेर्नुहोस –