प्रदीपले बनाए, ‘प्रेमगीत ३’ का लागि यस्तो ज्यान

भदौ ३०, हेटौडा – अहिलेको सर्वाधिक डिमान्डेड र महँगा अभिनेता प्रदीप खड्काले ‘प्रेम गीत ३’ को लागि ज्यान बनाउन ब्यस्त छन् । उनी अभिनीत फिल्म ‘प्रेमगीत २’ बाहेक कुनै फिल्म बक्सअफिसमा सफल छैनन् । तर, त्यसको असर उनको ‘ब्रान्ड भ्यालू’ मा परेको छ ।

यो फिल्मको असफलताले हच्किएका उनी अहिले आफूलाई ‘स्टार’ बनाएको सिरिज ‘प्रेमगीत’ को तेस्रो श्रृंखलाको तयारीमा छन् । फिल्मको छायांकन दशैंपछि सुरु हुँदैछ । आउँदो चैत २८ मा देशव्यापी प्रदर्शनमा आउँदैछ ।

फिल्ममा उनी तेस्रो पटक ‘प्रेम’ को भूमिकामा देखिँदैछन् । यो फिल्ममा उनको जोडी नव-अभिनेत्री क्रिस्टिना गुरुङसँग बाँधिएको छ । यस फिल्मको निर्देशन सन्तोष सेन र छेतेन गुरुङले मिलेर गर्दैछन् ।