कोरियामा हुने मंगाेलियन हर्ट लाइभ कर्न्सटको तयारी पुरा

भदौ २४, दक्षिण कोरिया – कोरियाली महान चाड छुसकको अवसरमा रामेछाप सम्पर्क समिति दोलखाली समाज र सिन्धुपलान्चोक समाज दक्षिण कोरियाको संयुक्त आयोजनामा हुन लागेको मंगाेलियन हर्ट लाइभ कन्सर्ट सांगीतिक धमाका २०१९ को तयारी पुरा भएको छ ।

यहि बिहिबार सेम्प्टेम्बर १२ मा कोरियाको राजधानी सउलमा कन्सर्ट हुने आयोजक समितिका सदस्य एबम रामेछाप सम्पर्क समितिका अध्यक्ष रबि प्रताप घिसिङले बताउनु भयो । कार्यक्रमबाट उठेको रकमबाट तीन जिल्लाको दुर्गम भेगको स्वास्थ्य, शिक्षा क्षेत्रमा सहयोग गर्ने उद्धेश्यका साथ कार्यक्रमको आयोजना गर्न लागिएको हो ।

कन्सर्टमा राजु लामाको मंगाेलियन हर्ट ब्याण्ड सँगै चर्चित गायिका आस्था राउत, लोकदोहोरी गायक प्रकाश कटुवाल, नेपाल आइडल सिजन १ का सेकेण्ड रनरअप प्रताप दास, चर्चित मोडल अन्जली अधिकारी लगायत स्थानीय कलाकारको बेजोड प्रस्तुति रहने आयोजकले जनाएको छ ।