जिग्री र पाँडेको हास्य टेलिसिरियल ‘सक्की गो..नी’ आउने तयारी

भदौ २३, हेटौडा – चर्चित हास्यव्यंग्य टेलिसिरियल भद्रगोलका टिमले नयाँ सिरियल सुरु गर्ने भएको छ ।

सामाजिक सञ्जालमा फोटो र स्टाटस पोस्ट गर्दै कुमार कट्टेल ‘जिग्री’ले असोज २ गतेबाट नयाँ सिरियल सुरु गर्न लागेको जनाएका हुन् । भद्रगोलबाट बाहिरिएका टिमहरु सबैले आफ्नो सामाजिक सञ्जालमा शेयर गरेका छन् ।

सार्वजनिक फोटोमा धतुरे उर्फ सिपी पुडासैनी, शंकर आचार्य बरिष्ठे समेत समावेश भएका छन् । उनीहरु लामो समय देखि भद्रगोलमा थिएनन् भने भद्रगोलको सुरुवाती समयमा धतुरे, बरिष्ठ लगायतका पात्र निकै लोकप्रिय भएका थिए ।

असोज २ गतेबाट नेपाल टेलिभिजन मार्फत विहिबार ८ः३० बजे आउने जनाएको छ ।