पहिलो नेपाल आइडल बुद्ध लामाको ‘मेरी आमा’ बोलको गीत रिलिज हुने (भिडियो)

भदौ १०, काठमाडौं – नेपाल आइडलको पहिलो बिजेता गायक बुद्ध लामाको नयाँ गीत सार्वजनिक हुँदैछ । बुद्ध लामाको ‘मेरी आमा’ बोलको गीत सार्वजनिक हुन लागेको हो । बुद्धले आफ्नै युट्युव च्यानल “बुद्ध लामा” मार्फत गीतको टिजर सार्वजनिक गरेका हुन् ।

गीतमा गायक असुसेन लामाको शब्द तथा संगीत रहेको छ । युवराज वाइवाले निर्देशन गरेको गीतको भिडियोमा लुनिभा तुलाधर र बुद्ध लामाको अभिनय रहेको छ ।

उत्सव दाहालले खिचेको भिडियो विकास दाहालले सम्पादन गरेका छन् । उनको मेरी आमा बोलको अफिसियल गीत केही दिनमा नेपाल आइडल च्यानलमार्फत सार्वजनिक हुने बताइएको छ ।

टिजर हेर्नुहोस –